יְשַׁעְיָהוּ ה׳:י״א-י״ז

י״א

הוי משכימי בבקר שכר ירדפו מאחרי בנשף יין ידליקם׃

י״ב

והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו׃

י״ג

לכן גלה עמי מבלי דעת וכבודו מתי רעב והמונו צחה צמא׃

י״ד

לכן הרחיבה שאול נפשה ופערה פיה לבלי חק וירד הדרה והמונה ושאונה ועלז בה׃

ט״ו

וישח אדם וישפל איש ועיני גבהים תשפלנה׃

ט״ז

ויגבה יהוה צבאות במשפט והאל הקדוש נקדש בצדקה׃

י״ז

ורעו כבשים כדברם וחרבות מחים גרים יאכלו׃