שימו לב לדרכיכם

חַגַּי א׳:ב׳-ח׳

ב׳

כה אמר יהוה צבאות לאמר העם הזה אמרו לא עת בא עת בית יהוה להבנות׃

ג׳

ויהי דבר יהוה ביד חגי הנביא לאמר׃

ד׳

העת לכם אתם לשבת בבתיכם ספונים והבית הזה חרב׃

ה׳

ועתה כה אמר יהוה צבאות שימו לבבכם על דרכיכם׃

ו׳

זרעתם הרבה והבא מעט אכול ואין לשבעה שתו ואין לשכרה לבוש ואין לחם לו והמשתכר משתכר אל צרור נקוב׃

ז׳

כה אמר יהוה צבאות שימו לבבכם על דרכיכם׃

ח׳

עלו ההר והבאתם עץ ובנו הבית וארצה בו ואכבד אמר יהוה׃