בְּרֵאשִׁית מ״א:ל״ז-מ״ג

ל״ז

וייטב הדבר בעיני פרעה ובעיני כל עבדיו׃

ל״ח

ויאמר פרעה אל עבדיו הנמצא כזה איש אשר רוח אלהים בו׃

ל״ט

ויאמר פרעה אל יוסף אחרי הודיע אלהים אותך את כל זאת אין נבון וחכם כמוך׃

מ׳

אתה תהיה על ביתי ועל פיך ישק כל עמי רק הכסא אגדל ממך׃

מ״א

ויאמר פרעה אל יוסף ראה נתתי אתך על כל ארץ מצרים׃

מ״ב

ויסר פרעה את טבעתו מעל ידו ויתן אתה על יד יוסף וילבש אתו בגדי שש וישם רבד הזהב על צוארו׃

מ״ג

וירכב אתו במרכבת המשנה אשר לו ויקראו לפניו אברך ונתון אתו על כל ארץ מצרים׃