יְחֶזְקֵאל כ״ד:י״ט-כ״ד
י״ט
ויאמרו אלי העם הלא תגיד לנו מה אלה לנו כי אתה עשה׃
כ׳
ואמר אליהם דבר יהוה היה אלי לאמר׃
כ״א
אמר לבית ישראל כה אמר אדני יהוה הנני מחלל את מקדשי גאון עזכם מחמד עיניכם ומחמל נפשכם ובניכם ובנותיכם אשר עזבתם בחרב יפלו׃
כ״ב
ועשיתם כאשר עשיתי על שפם לא תעטו ולחם אנשים לא תאכלו׃
כ״ג
ופארכם על ראשיכם ונעליכם ברגליכם לא תספדו ולא תבכו ונמקתם בעונתיכם ונהמתם איש אל אחיו׃
כ״ד
והיה יחזקאל לכם למופת ככל אשר עשה תעשו בבאה וידעתם כי אני אדני יהוה׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל