אותות האלוהים למשה

שְׁמֹות ד׳:א׳-ה׳

א׳

¶ ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה׃

ב׳

ויאמר אליו יהוה מזה בידך ויאמר מטה׃

ג׳

ויאמר השליכהו ארצה וישליכהו ארצה ויהי לנחש וינס משה מפניו׃

ד׳

ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפו׃

ה׳

למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב׃

קרא פרק מלא ד׳

Reading Style

Typeface

Font Size 19px

Options