שְׁמֹות ל״ט:א׳-ה׳

א׳

¶ ומן התכלת והארגמן ותולעת השני עשו בגדי שרד לשרת בקדש ויעשו את בגדי הקדש אשר לאהרן כאשר צוה יהוה את משה׃

ב׳

ויעש את האפד זהב תכלת וארגמן ותולעת שני ושש משזר׃

ג׳

וירקעו את פחי הזהב וקצץ פתילם לעשות בתוך התכלת ובתוך הארגמן ובתוך תולעת השני ובתוך השש מעשה חשב׃

ד׳

כתפת עשו לו חברת על שני קצוותו חבר׃

ה׳

וחשב אפדתו אשר עליו ממנו הוא כמעשהו זהב תכלת וארגמן ותולעת שני ושש משזר כאשר צוה יהוה את משה׃