הסירו את האדם הישן

אִגֶּרֶת פּוֹלוֹס הַשָּׁלִיחַ אֶל־הָאֶפְסִיִּים ד׳:י״ז-כ״ד

י״ז

והנה זאת אני אמר ומעיד באדון כי מעתה לא תלכו עוד כיתר הגוים ההלכים בהבלי שכלם׃

י״ח

חשכי הדעת ומוזרים לחיי אלהים מפני אולתם אשר בהם כי טח מהשכיל לבבם׃

י״ט

אשר השמינו ויתנו את נפשם לזמה לעשות כל תועבה באהבת הבצע׃

כ׳

ואתם לא כן למדתם את המשיח׃

כ״א

אם אמנם אתו שמעתם ובו למדתם כפי האמת בישוע׃

כ״ב

אשר תסורו מדרכיכם הראשנים ותפשטו את האדם הישן הנשחת בתאות התרמית׃

כ״ג

ותתחדשו ברוח שכלכם׃

כ״ד

ותלבשו את האדם החדש הנברא כדמות אלהים בצדקה וקדשת האמת׃