דְּבָרִים ל״א:ג׳

מציג את פסוק ג׳ עם ההקשר הסובב.

א׳

¶ וילך משה וידבר את הדברים האלה אל כל ישראל׃

ב׳

ויאמר אלהם בן מאה ועשרים שנה אנכי היום לא אוכל עוד לצאת ולבוא ויהוה אמר אלי לא תעבר את הירדן הזה׃

ג׳

יהוה אלהיך הוא עבר לפניך הוא ישמיד את הגוים האלה מלפניך וירשתם יהושע הוא עבר לפניך כאשר דבר יהוה׃

ד׳

ועשה יהוה להם כאשר עשה לסיחון ולעוג מלכי האמרי ולארצם אשר השמיד אתם׃

ה׳

ונתנם יהוה לפניכם ועשיתם להם ככל המצוה אשר צויתי אתכם׃

ו׳

חזקו ואמצו אל תיראו ואל תערצו מפניהם כי יהוה אלהיך הוא ההלך עמך לא ירפך ולא יעזבך׃