דְּבָרִים כ״ב:כ״ג-כ״ז

כ״ג

כי יהיה נער בתולה מארשה לאיש ומצאה איש בעיר ושכב עמה׃

כ״ד

והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃

כ״ה

ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה לבדו׃

כ״ו

ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃

כ״ז

כי בשדה מצאה צעקה הנער המארשה ואין מושיע לה׃