עליית הקרן הקטנה

דָּנִיֵּאל ח׳:ט׳-י״ד

ט׳

ומן האחת מהם יצא קרן אחת מצעירה ותגדל יתר אל הנגב ואל המזרח ואל הצבי׃

י׳

ותגדל עד צבא השמים ותפל ארצה מן הצבא ומן הכוכבים ותרמסם׃

י״א

ועד שר הצבא הגדיל וממנו הרים התמיד והשלך מכון מקדשו׃

י״ב

וצבא תנתן על התמיד בפשע ותשלך אמת ארצה ועשתה והצליחה׃

י״ג

ואשמעה אחד קדוש מדבר ויאמר אחד קדוש לפלמוני המדבר עד מתי החזון התמיד והפשע שמם תת וקדש וצבא מרמס׃

י״ד

ויאמר אלי עד ערב בקר אלפים ושלש מאות ונצדק קדש׃