TRV
מַעֲשֵׂי הַשְּׁלִיחִים כ״ח:א׳-י׳
א׳
¶ וכאשר נמלטנו נודע לנו כי שם האי מליטי׃
ב׳
והנכרים לא המעיטו חסדם עמנו כי בערו אש ויאספו את כלנו אליהם מפני הגשם היורד ומפני הקר׃
ג׳
ופולוס אסף לו ערמת קצים וישם על המוקד ומן החם יצא אפעה ויאחז בידו׃
ד׳
ויראו הנכרים את החיה תלויה על ידו ויאמרו איש אל רעהו אכן רצח האיש הזה אשר הנקמה לא הניחה לו לחיות אף כי נמלט מן הים׃
ה׳
והוא נער את החיה מעל ידו אל תוך האש ולא הרעה לו מאומה׃
ו׳
והם הוחילו אשר יצבה גופו או אשר יפל מת פתאם ויחילו עד בוש והנה לא קרהו כל אסון ויהפך לבם ויאמרו כי אלהים הוא׃
ז׳
ובסביבו המקום ההוא היו שדות אשר לראש אנשי האי ושמו פובליוס הוא הביא אתנו לביתו ויכלכל אתנו בטובו שלשת ימים׃
ח׳
ואבי פובליוס מוטל למשכב בקדחת ובמחלה המעים ויבא אליו פולוס ויתפלל וישם עליו את ידיו וירפאהו׃
ט׳
ואחרי המעשה הזה באו גם החלים האחרים אשר באי וירפאו׃
י׳
ויכבדנו כבוד גדול ובלכתנו משם ספקו לנו די צרכנו׃
Settings