החזון בדרך לדמשק

מַעֲשֵׂי הַשְּׁלִיחִים כ״ו:י״ב-י״ח

י״ב

ויהי בלכתי על זאת לדמשק ברשיון הכהנים הגדולים ובמצותם׃

י״ג

והנה אדני המלך בצהרים בדרך ראיתי אור צח מזהר השמש אשר משמים נגה עלי מסביב ועל ההלכים אתי׃

י״ד

ונפל כלנו ארצה ואשמע קול מדבר אלי בלשון עברית לאמר שאול שאול למה תרדפני קשה לך לבעט בדרבנות׃

ט״ו

ואמר מי אתה אדני ויאמר אנכי ישוע אשר אתה רדף׃

ט״ז

אבל קום ועמד על רגליך כי לבעבור זאת נראיתי אליך לבחר בך למשרת ולעד על אשר ראית ועל אשר אראך׃

י״ז

בהצילי אותך מן העם ומן הגוים אשר אשלחך עתה אליהם׃

י״ח

לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃