מַעֲשֵׂי הַשְּׁלִיחִים כ״ב:י״ד-כ״א

י״ד

ויאמר אלהי אבותינו בחר בך לדעת את רצונו ולראות את הצדיק ולשמע קול מפיהו׃

ט״ו

כי היו תהיה לו לעד אל כל בני האדם על כל אשר ראית ושמעת׃

ט״ז

ועתה למה תתמהמה קום והטבל והתרחץ מחטאתיך בקראך בשמו׃

י״ז

ויהי בשובי אל ירושלים ואתפלל במקדש ותהי עלי יד יהוה׃

י״ח

וארא אותו מדבר אלי חושה צא במהרה מירושלים כי לא יקבלו את עדותך עלי׃

י״ט

ואמר הלא הם יודעים את אשר השלכתי אל הכלא והלקיתי בבתי הכנסיות את המאמינים בך׃

כ׳

ובהשפך דם אסטפנוס עדך אף אני עמדתי שם חפץ בהרגתו ושומר את בגדי הרגיו׃

כ״א

ויאמר אלי לך כי אני אל הגיום עד למרחוק אשלחך׃