מַעֲשֵׂי הַשְּׁלִיחִים כ׳:ז׳-י״ב

ז׳

ויהי באחד בשבת כאשר נאספו התלמידים לבצע הלחם וידבר אתם פולוס כי אמר ללכת משם למחרת היום ויארך הדבר עד חצות הלילה׃

ח׳

ונרות רבים היו בעליה אשר נאספנו שם׃

ט׳

ובחור אחד שמו אבטוכוס ישב בחלון וירדם בהאריך פולוס את אמרתו ותגבר עליו שנתו ויפל מהמדור השלישי למטה וישאהו מת׃

י׳

וירד פולוס ויגהר עליו ויחבקהו ויאמר אל תבהלו כי נשמתו בו׃

י״א

ואחר עלה ויבצע הלחם ויטעם וירב לשיח אתם עד אור הבקר ויצא ללכת לדרכו׃

י״ב

והם הביאו את הנער חי וינחמו עד מאד׃