TRV
מַעֲשֵׂי הַשְּׁלִיחִים י״ג:מ״ב-נ״ב
מ״ב
ובצאת היהודים מבית הכנסת בקשו מהם הגוים לדבר אליהם את הדברים האלה בשבת הבאה׃
מ״ג
ורבים מן היהודים ומגרי הצדק הלכו אחרי פולוס ובר נבא בהפרד הקהל והמה דברו על לבם ויזהירום לעמד בחסד האלהים׃
מ״ד
ובשבת השנית נקהלה כמעט כל העיר לשמע את דבר יהוה׃
מ״ה
ויהי כראות היהודים את המון העם וימלאו קנאה ויכחישו את דברי פולוס הכחש וגדף׃
מ״ו
אז הגידו פולוס ובר נבא על פניהם לאמר בדין היה להשמיע אתכם בראשונה את דבר האלהים ועתה אחרי אשר מאסתם אותו ואינכם זכים בעיניכם לחיי העולם לכן הננו פנים אל הגוים׃
מ״ז
כי כן צוה עלינו האדון נתתיך לאור גוים להיות ישועתי עד קצה הארץ׃
מ״ח
וישמחו הגוים כשמעם ויהללו את דבר יהוה ויאמינו כל אשר היו מוכנים לחיי עולם׃
מ״ט
ויפרץ דבר יהוה בכל המקום׃
נ׳
אך היהודים הסיתו את הנשים החסידות והחשובות ואת אצילי העיר ויעוררו רדיפה על פולוס ובר נבא ויגרשום מגבולם׃
נ״א
והמה נערו עליהם את העפר מעל רגליהם וילכו לאיקניון׃
נ״ב
והתלמידים מלאו שמחה ורוח הקדש׃
Settings