שאול מנסה לרצוח את דוד

1 שְׁמוּאֵל י״ח:י׳-ט״ז

י׳

ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול׃

י״א

ויטל שאול את החנית ויאמר אכה בדוד ובקיר ויסב דוד מפניו פעמים׃

י״ב

וירא שאול מלפני דוד כי היה יהוה עמו ומעם שאול סר׃

י״ג

ויסרהו שאול מעמו וישמהו לו שר אלף ויצא ויבא לפני העם׃

י״ד

ויהי דוד לכל דרכו משכיל ויהוה עמו׃

ט״ו

וירא שאול אשר הוא משכיל מאד ויגר מפניו׃

ט״ז

וכל ישראל ויהודה אהב את דוד כי הוא יוצא ובא לפניהם׃