1 מְלָכִים ד׳:י״ג-כ״א
י״ג
בן גבר ברמת גלעד לו חות יאיר בן מנשה אשר בגלעד לו חבל ארגב אשר בבשן ששים ערים גדלות חומה ובריח נחשת׃
י״ד
אחינדב בן עדא מחנימה׃
ט״ו
אחימעץ בנפתלי גם הוא לקח את בשמת בת שלמה לאשה׃
ט״ז
בענא בן חושי באשר ובעלות׃
י״ז
יהושפט בן פרוח ביששכר׃
י״ח
שמעי בן אלא בבנימן׃
י״ט
גבר בן ארי בארץ גלעד ארץ סיחון מלך האמרי ועג מלך הבשן ונציב אחד אשר בארץ׃
כ׳
יהודה וישראל רבים כחול אשר על הים לרב אכלים ושתים ושמחים׃
כ״א
ושלמה היה מושל בכל הממלכות מן הנהר ארץ פלשתים ועד גבול מצרים מגשים מנחה ועבדים את שלמה כל ימי חייו׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל