יוֹשְׁבֵי יְרוּשָׁלַיִם מִיהוּדָה וּמִבִּנְיָמִין

1 דִּבְרֵי הַיָּמִים ט׳:ג׳-ט׳

ג׳

ובירושלם ישבו מן בני יהודה ומן בני בנימן ומן בני אפרים ומנשה׃

ד׳

עותי בן עמיהוד בן עמרי בן אמרי בן בנימן בני פרץ בן יהודה׃

ה׳

ומן השילוני עשיה הבכור ובניו׃

ו׳

ומן בני זרח יעואל ואחיהם שש מאות ותשעים׃

ז׳

ומן בני בנימן סלוא בן משלם בן הודויה בן הסנאה׃

ח׳

ויבניה בן ירחם ואלה בן עזי בן מכרי ומשלם בן שפטיה בן רעואל בן יבניה׃

ט׳

ואחיהם לתלדותם תשע מאות וחמשים וששה כל אלה אנשים ראשי אבות לבית אבתיהם׃