Karin Magana 4:1-5

Ku saurara ’ya’yana ga koyarwar mahaifinku; ku mai da hankali, ku sami fahimi.

Ina ba ku sahihiyar koyarwa, saboda haka kada ku ƙyale koyarwata.

Sa’ad da nake yaro a gidan mahaifina, yaro kaɗai kuma na mahaifiyata,

ya koya mini ya ce, “Ka riƙe kalmomina da dukan zuciyarka; ka kiyaye umarnaina za ka kuwa rayu.

Ka nemi hikima, ka nemi fahimi; kada ka manta da kalmomina ko ka kauce daga gare su.