An Yi wa Yesu Ba’a Aka Kuma Yi Masa Tambayoyi

63

Mutanen da suke gadin Yesu suka fara masa ba’a da dūka.

64

Suka rufe masa idanu suna tambaya cewa, “Ka yi annabci! Wa ya mare ka?”

65

Suka kuma yi masa waɗansu baƙaƙen maganganu masu yawa.

66

Da gari ya waye, sai majalisar dattawa na mutane, da manyan firistoci, da malaman dokoki, suka taru wuri ɗaya. Sai aka kawo Yesu a gabansu.

67

Suka ce, “Ka faɗa mana, ko kai ne Kiristi?” Yesu ya amsa ya ce, “Ko na gaya muku, ba za ku gaskata ni ba,

68

in kuma na yi muku tambaya ba za ku iya ba ni amsa ba.

69

Amma daga yanzu, Ɗan Mutum zai zauna a hannun dama na Allah Mai Iko.”

70

Sai dukansu suka yi tambaya suka ce, “Wato, kai Ɗan Allah ke nan?” Ya amsa ya ce, “Kun faɗa daidai, ni ne.”

71

Sai suka ce, “Wace shaida kuma muke nema? Ai, mun ji abin da ya ce da bakinsa.”