פסוקים על Trespass: Of an ox

9 פסוקים · 4 היבטים

פסוקים על Of an ox

  1. שְׁמֹות כ״א:כ״ח

    וכי יגח שור את איש או את אשה ומת סקול יסקל השור ולא יאכל את בשרו ובעל השור נקי׃

  2. שְׁמֹות כ״א:כ״ט

    ואם שור נגח הוא מתמל שלשם והועד בבעליו ולא ישמרנו והמית איש או אשה השור יסקל וגם בעליו יומת׃

  3. שְׁמֹות כ״א:ל׳

    אם כפר יושת עליו ונתן פדין נפשו ככל אשר יושת עליו׃

  4. שְׁמֹות כ״א:ל״א

    או בן יגח או בת יגח כמשפט הזה יעשה לו׃

  5. שְׁמֹות כ״א:ל״ב

    אם עבד יגח השור או אמה כסף שלשים שקלים יתן לאדניו והשור יסקל׃

  6. שְׁמֹות כ״א:ל״ג

    וכי יפתח איש בור או כי יכרה איש בר ולא יכסנו ונפל שמה שור או חמור׃

  7. שְׁמֹות כ״א:ל״ד

    בעל הבור ישלם כסף ישיב לבעליו והמת יהיה לו׃

  8. שְׁמֹות כ״א:ל״ה

    וכי יגף שור איש את שור רעהו ומת ומכרו את השור החי וחצו את כספו וגם את המת יחצון׃

  9. שְׁמֹות כ״א:ל״ו

    או נודע כי שור נגח הוא מתמול שלשם ולא ישמרנו בעליו שלם ישלם שור תחת השור והמת יהיה לו׃