פסוקים על The First Fruits

16 פסוקים · 21 היבטים

פסוקי מפתח

וַיִּקְרָא כ״ג:י׳
דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃
וַיִּקְרָא כ״ג:י״א
והניף את העמר לפני יהוה לרצנכם ממחרת השבת יניפנו הכהן׃
וַיִּקְרָא כ״ג:י״ב
ועשיתם ביום הניפכם את העמר כבש תמים בן שנתו לעלה ליהוה׃
וַיִּקְרָא כ״ג:י״ג
ומנחתו שני עשרנים סלת בלולה בשמן אשה ליהוה ריח ניחח ונסכה יין רביעת ההין׃
וַיִּקְרָא כ״ג:י״ד
ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משבתיכם׃
דְּבָרִים י״ח:ג׳
וזה יהיה משפט הכהנים מאת העם מאת זבחי הזבח אם שור אם שה ונתן לכהן הזרע והלחיים והקבה׃
דְּבָרִים י״ח:ד׳
ראשית דגנך תירשך ויצהרך וראשית גז צאנך תתן לו׃
דְּבָרִים י״ח:ה׳
כי בו בחר יהוה אלהיך מכל שבטיך לעמד לשרת בשם יהוה הוא ובניו כל הימים׃
דְּבָרִים כ״ו:ג׳
ובאת אל הכהן אשר יהיה בימים ההם ואמרת אליו הגדתי היום ליהוה אלהיך כי באתי אל הארץ אשר נשבע יהוה לאבתינו לתת לנו׃
דְּבָרִים כ״ו:ד׳
ולקח הכהן הטנא מידך והניחו לפני מזבח יהוה אלהיך׃
דְּבָרִים כ״ו:ה׳
וענית ואמרת לפני יהוה אלהיך ארמי אבד אבי וירד מצרימה ויגר שם במתי מעט ויהי שם לגוי גדול עצום ורב׃
דְּבָרִים כ״ו:ו׳
וירעו אתנו המצרים ויענונו ויתנו עלינו עבדה קשה׃
דְּבָרִים כ״ו:ז׳
ונצעק אל יהוה אלהי אבתינו וישמע יהוה את קלנו וירא את ענינו ואת עמלנו ואת לחצנו׃
דְּבָרִים כ״ו:ח׳
ויוצאנו יהוה ממצרים ביד חזקה ובזרע נטויה ובמרא גדל ובאתות ובמפתים׃
דְּבָרִים כ״ו:ט׳
ויבאנו אל המקום הזה ויתן לנו את הארץ הזאת ארץ זבת חלב ודבש׃
דְּבָרִים כ״ו:י׳
ועתה הנה הבאתי את ראשית פרי האדמה אשר נתתה לי יהוה והנחתו לפני יהוה אלהיך והשתחוית לפני יהוה אלהיך׃