פסוקים על Sun

32 פסוקים · 8 היבטים

פסוקי מפתח

סינון לפי ספר
  1. בְּרֵאשִׁית א׳:י״ד

    ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים׃

  2. בְּרֵאשִׁית א׳:ט״ו

    והיו למאורת ברקיע השמים להאיר על הארץ ויהי כן׃

  3. בְּרֵאשִׁית א׳:ט״ז

    ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים׃

  4. בְּרֵאשִׁית א׳:י״ז

    ויתן אתם אלהים ברקיע השמים להאיר על הארץ׃

  5. בְּרֵאשִׁית א׳:י״ח

    ולמשל ביום ובלילה ולהבדיל בין האור ובין החשך וירא אלהים כי טוב׃

  6. דְּבָרִים ד׳:י״ט

    ופן תשא עיניך השמימה וראית את השמש ואת הירח ואת הכוכבים כל צבא השמים ונדחת והשתחוית להם ועבדתם אשר חלק יהוה אלהיך אתם לכל העמים תחת כל השמים׃

  7. דְּבָרִים י״ז:ג׳

    וילך ויעבד אלהים אחרים וישתחו להם ולשמש או לירח או לכל צבא השמים אשר לא צויתי׃

  8. שֹׁפְטִים ה׳:ל״א

    כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃

  9. 2 מְלָכִים כ״ג:י״א

    וישבת את הסוסים אשר נתנו מלכי יהודה לשמש מבא בית יהוה אל לשכת נתן מלך הסריס אשר בפרורים ואת מרכבות השמש שרף באש׃

  10. אִיּוֹב ל״א:כ״ו

    אם אראה אור כי יהל וירח יקר הלך׃

  11. אִיּוֹב ל״א:כ״ז

    ויפת בסתר לבי ותשק ידי לפי׃

  12. אִיּוֹב ל״א:כ״ח

    גם הוא עון פלילי כי כחשתי לאל ממעל׃

  13. תְהִלִּים י״ט:ד׳

    בכל הארץ יצא קום ובקצה תבל מליהם לשמש שם אהל בהם׃

  14. תְהִלִּים י״ט:ו׳

    מקצה השמים מוצאו ותקופתו על קצותם ואין נסתר מחמתו׃

  15. תְהִלִּים ע״ד:ט״ז

    לך יום אף לך לילה אתה הכינות מאור ושמש׃

  16. תְהִלִּים פ״ד:י״א

    כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃

  17. תְהִלִּים קל״ו:ז׳

    לעשה אורים גדלים כי לעולם חסדו׃

  18. קֹהֶלֶת א׳:ה׳

    וזרח השמש ובא השמש ואל מקומו שואף זורח הוא שם׃

  19. יְשַׁעְיָהוּ ל׳:כ״ו

    והיה אור הלבנה כאור החמה ואור החמה יהיה שבעתים כאור שבעת הימים ביום חבש יהוה את שבר עמו ומחץ מכתו ירפא׃

  20. יְשַׁעְיָהוּ ס׳:י״ט

    לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃

  21. יְשַׁעְיָהוּ ס׳:כ׳

    לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך׃

  22. יִרְמְיָהוּ ח׳:ב׳

    ושטחום לשמש ולירח ולכל צבא השמים אשר אהבום ואשר עבדום ואשר הלכו אחריהם ואשר דרשום ואשר השתחוו להם לא יאספו ולא יקברו לדמן על פני האדמה יהיו׃

  23. יִרְמְיָהוּ ט״ו:ט׳

    אמללה ילדת השבעה נפחה נפשה באה שמשה בעד יומם בושה וחפרה ושאריתם לחרב אתן לפני איביהם נאם יהוה׃

  24. יִרְמְיָהוּ ל״א:ל״ה

    כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃

  25. יְחֶזְקֵאל ו׳:ד׳

    ונשמו מזבחותיכם ונשברו חמניכם והפלתי חלליכם לפני גלוליכם׃