פסוקים על Scapegoat

19 פסוקים

פסוקי מפתח

  1. וַיִּקְרָא ט״ז:ז׳

    ולקח את שני השעירם והעמיד אתם לפני יהוה פתח אהל מועד׃

  2. וַיִּקְרָא ט״ז:ח׳

    ונתן אהרן על שני השעירם גורלות גורל אחד ליהוה וגורל אחד לעזאזל׃

  3. וַיִּקְרָא ט״ז:ט׳

    והקריב אהרן את השעיר אשר עלה עליו הגורל ליהוה ועשהו חטאת׃

  4. וַיִּקְרָא ט״ז:י׳

    והשעיר אשר עלה עליו הגורל לעזאזל יעמד חי לפני יהוה לכפר עליו לשלח אתו לעזאזל המדברה׃

  5. וַיִּקְרָא ט״ז:כ׳

    וכלה מכפר את הקדש ואת אהל מועד ואת המזבח והקריב את השעיר החי׃

  6. וַיִּקְרָא ט״ז:כ״א

    וסמך אהרן את שתי ידו על ראש השעיר החי והתודה עליו את כל עונת בני ישראל ואת כל פשעיהם לכל חטאתם ונתן אתם על ראש השעיר ושלח ביד איש עתי המדברה׃

  7. וַיִּקְרָא ט״ז:כ״ב

    ונשא השעיר עליו את כל עונתם אל ארץ גזרה ושלח את השעיר במדבר׃

  8. וַיִּקְרָא ט״ז:כ״ג

    ובא אהרן אל אהל מועד ופשט את בגדי הבד אשר לבש בבאו אל הקדש והניחם שם׃

  9. וַיִּקְרָא ט״ז:כ״ד

    ורחץ את בשרו במים במקום קדוש ולבש את בגדיו ויצא ועשה את עלתו ואת עלת העם וכפר בעדו ובעד העם׃

  10. וַיִּקְרָא ט״ז:כ״ה

    ואת חלב החטאת יקטיר המזבחה׃

  11. וַיִּקְרָא ט״ז:כ״ו

    והמשלח את השעיר לעזאזל יכבס בגדיו ורחץ את בשרו במים ואחרי כן יבוא אל המחנה׃

  12. וַיִּקְרָא ט״ז:כ״ז

    ואת פר החטאת ואת שעיר החטאת אשר הובא את דמם לכפר בקדש יוציא אל מחוץ למחנה ושרפו באש את ערתם ואת בשרם ואת פרשם׃

  13. וַיִּקְרָא ט״ז:כ״ח

    והשרף אתם יכבס בגדיו ורחץ את בשרו במים ואחרי כן יבוא אל המחנה׃

  14. וַיִּקְרָא ט״ז:כ״ט

    והיתה לכם לחקת עולם בחדש השביעי בעשור לחדש תענו את נפשתיכם וכל מלאכה לא תעשו האזרח והגר הגר בתוככם׃

  15. וַיִּקְרָא ט״ז:ל׳

    כי ביום הזה יכפר עליכם לטהר אתכם מכל חטאתיכם לפני יהוה תטהרו׃

  16. וַיִּקְרָא ט״ז:ל״א

    שבת שבתון היא לכם ועניתם את נפשתיכם חקת עולם׃

  17. וַיִּקְרָא ט״ז:ל״ב

    וכפר הכהן אשר ימשח אתו ואשר ימלא את ידו לכהן תחת אביו ולבש את בגדי הבד בגדי הקדש׃

  18. וַיִּקְרָא ט״ז:ל״ג

    וכפר את מקדש הקדש ואת אהל מועד ואת המזבח יכפר ועל הכהנים ועל כל עם הקהל יכפר׃

  19. וַיִּקְרָא ט״ז:ל״ד

    והיתה זאת לכם לחקת עולם לכפר על בני ישראל מכל חטאתם אחת בשנה ויעש כאשר צוה יהוה את משה׃