פסוקים על Pentecost

20 פסוקים · 1 היבט

פסוקי מפתח

שְׁמֹות כ״ג:ט״ז
וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃
שְׁמֹות ל״ד:כ״ב
וחג שבעת תעשה לך בכורי קציר חטים וחג האסיף תקופת השנה׃
וַיִּקְרָא כ״ג:ט״ו
וספרתם לכם ממחרת השבת מיום הביאכם את עמר התנופה שבע שבתות תמימת תהיינה׃
וַיִּקְרָא כ״ג:ט״ז
עד ממחרת השבת השביעת תספרו חמשים יום והקרבתם מנחה חדשה ליהוה׃
וַיִּקְרָא כ״ג:י״ז
ממושבתיכם תביאו לחם תנופה שתים שני עשרנים סלת תהיינה חמץ תאפינה בכורים ליהוה׃
וַיִּקְרָא כ״ג:י״ח
והקרבתם על הלחם שבעת כבשים תמימם בני שנה ופר בן בקר אחד ואילם שנים יהיו עלה ליהוה ומנחתם ונסכיהם אשה ריח ניחח ליהוה׃
וַיִּקְרָא כ״ג:י״ט
ועשיתם שעיר עזים אחד לחטאת ושני כבשים בני שנה לזבח שלמים׃
וַיִּקְרָא כ״ג:כ׳
והניף הכהן אתם על לחם הבכורים תנופה לפני יהוה על שני כבשים קדש יהיו ליהוה לכהן׃
וַיִּקְרָא כ״ג:כ״א
וקראתם בעצם היום הזה מקרא קדש יהיה לכם כל מלאכת עבדה לא תעשו חקת עולם בכל מושבתיכם לדרתיכם׃
בְּמִדְבַּר כ״ח:כ״ו
וביום הבכורים בהקריבכם מנחה חדשה ליהוה בשבעתיכם מקרא קדש יהיה לכם כל מלאכת עבדה לא תעשו׃
בְּמִדְבַּר כ״ח:כ״ז
והקרבתם עולה לריח ניחח ליהוה פרים בני בקר שנים איל אחד שבעה כבשים בני שנה׃
בְּמִדְבַּר כ״ח:כ״ח
ומנחתם סלת בלולה בשמן שלשה עשרנים לפר האחד שני עשרנים לאיל האחד׃
בְּמִדְבַּר כ״ח:כ״ט
עשרון עשרון לכבש האחד לשבעת הכבשים׃
בְּמִדְבַּר כ״ח:ל׳
שעיר עזים אחד לכפר עליכם׃
בְּמִדְבַּר כ״ח:ל״א
מלבד עלת התמיד ומנחתו תעשו תמימם יהיו לכם ונסכיהם׃
דְּבָרִים ט״ז:ט׳
שבעה שבעת תספר לך מהחל חרמש בקמה תחל לספר שבעה שבעות׃
דְּבָרִים ט״ז:י׳
ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃
דְּבָרִים ט״ז:י״א
ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃
דְּבָרִים ט״ז:י״ב
וזכרת כי עבד היית במצרים ושמרת ועשית את החקים האלה׃
דְּבָרִים ט״ז:ט״ז
שלוש פעמים בשנה יראה כל זכורך את פני יהוה אלהיך במקום אשר יבחר בחג המצות ובחג השבעות ובחג הסכות ולא יראה את פני יהוה ריקם׃