פסוקים על Oil

שמן למאר בשמים לשמן המשחה ולקטרת הסמים׃

ואתה תצוה את בני ישראל ויקחו אליך שמן זית זך כתית למאור להעלת נר תמיד׃

ולקחת את שמן המשחה ויצקת על ראשו ומשחת אתו׃

ואתה קח לך בשמים ראש מר דרור חמש מאות וקנמן בשם מחציתו חמשים ומאתים וקנה בשם חמשים ומאתים׃

וקדה חמש מאות בשקל הקדש ושמן זית הין׃

ועשית אתו שמן משחת קדש רקח מרקחת מעשה רקח שמן משחת קדש יהיה׃

ואל בני ישראל תדבר לאמר שמן משחת קדש יהיה זה לי לדרתיכם׃

על בשר אדם לא ייסך ובמתכנתו לא תעשו כמהו קדש הוא קדש יהיה לכם׃

איש אשר ירקח כמהו ואשר יתן ממנו על זר ונכרת מעמיו׃

ואת שמן המשחה ואת קטרת הסמים לקדש ככל אשר צויתך יעשו׃

ושמן למאור ובשמים לשמן המשחה ולקטרת הסמים׃

ואת מזבח הקטרת ואת בדיו ואת שמן המשחה ואת קטרת הסמים ואת מסך הפתח לפתח המשכן׃

ואת הבשם ואת השמן למאור ולשמן המשחה ולקטרת הסמים׃

ויעש את שמן המשחה קדש ואת קטרת הסמים טהור מעשה רקח׃

ואת מזבח הזהב ואת שמן המשחה ואת קטרת הסמים ואת מסך פתח האהל׃

וכי תקרב קרבן מנחה מאפה תנור סלת חלות מצת בלולת בשמן ורקיקי מצות משחים בשמן׃

ואם מנחה על המחבת קרבנך סלת בלולה בשמן מצה תהיה׃

וכל מנחה בלולה בשמן וחרבה לכל בני אהרן תהיה איש כאחיו׃

וביום השמיני יקח שני כבשים תמימים וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמן׃

ואם דל הוא ואין ידו משגת ולקח כבש אחד אשם לתנופה לכפר עליו ועשרון סלת אחד בלול בשמן למנחה ולג שמן׃

צו את בני ישראל ויקחו אליך שמן זית זך כתית למאור להעלת נר תמיד׃

מחוץ לפרכת העדת באהל מועד יערך אתו אהרן מערב עד בקר לפני יהוה תמיד חקת עולם לדרתיכם׃

על המנרה הטהרה יערך את הנרות לפני יהוה תמיד׃

ופקדת אלעזר בן אהרן הכהן שמן המאור וקטרת הסמים ומנחת התמיד ושמן המשחה פקדת כל המשכן וכל אשר בו בקדש ובכליו׃

והקריב המקריב קרבנו ליהוה מנחה סלת עשרון בלול ברבעית ההין שמן׃