פסוקים על Melita

10 פסוקים · 1 היבט

פסוקי מפתח

  1. מַעֲשֵׂי הַשְּׁלִיחִים כ״ח:א׳

    ¶ וכאשר נמלטנו נודע לנו כי שם האי מליטי׃

  2. מַעֲשֵׂי הַשְּׁלִיחִים כ״ח:ב׳

    והנכרים לא המעיטו חסדם עמנו כי בערו אש ויאספו את כלנו אליהם מפני הגשם היורד ומפני הקר׃

  3. מַעֲשֵׂי הַשְּׁלִיחִים כ״ח:ג׳

    ופולוס אסף לו ערמת קצים וישם על המוקד ומן החם יצא אפעה ויאחז בידו׃

  4. מַעֲשֵׂי הַשְּׁלִיחִים כ״ח:ד׳

    ויראו הנכרים את החיה תלויה על ידו ויאמרו איש אל רעהו אכן רצח האיש הזה אשר הנקמה לא הניחה לו לחיות אף כי נמלט מן הים׃

  5. מַעֲשֵׂי הַשְּׁלִיחִים כ״ח:ה׳

    והוא נער את החיה מעל ידו אל תוך האש ולא הרעה לו מאומה׃

  6. מַעֲשֵׂי הַשְּׁלִיחִים כ״ח:ו׳

    והם הוחילו אשר יצבה גופו או אשר יפל מת פתאם ויחילו עד בוש והנה לא קרהו כל אסון ויהפך לבם ויאמרו כי אלהים הוא׃

  7. מַעֲשֵׂי הַשְּׁלִיחִים כ״ח:ז׳

    ובסביבו המקום ההוא היו שדות אשר לראש אנשי האי ושמו פובליוס הוא הביא אתנו לביתו ויכלכל אתנו בטובו שלשת ימים׃

  8. מַעֲשֵׂי הַשְּׁלִיחִים כ״ח:ח׳

    ואבי פובליוס מוטל למשכב בקדחת ובמחלה המעים ויבא אליו פולוס ויתפלל וישם עליו את ידיו וירפאהו׃

  9. מַעֲשֵׂי הַשְּׁלִיחִים כ״ח:ט׳

    ואחרי המעשה הזה באו גם החלים האחרים אשר באי וירפאו׃

  10. מַעֲשֵׂי הַשְּׁלִיחִים כ״ח:י׳

    ויכבדנו כבוד גדול ובלכתנו משם ספקו לנו די צרכנו׃