פסוקים על Gerar

וילך משם יצחק ויחן בנחל גרר וישב שם׃

וישב יצחק ויחפר את בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר קרא להן אביו׃

ויחפרו עבדי יצחק בנחל וימצאו שם באר מים חיים׃

ויריבו רעי גרר עם רעי יצחק לאמר לנו המים ויקרא שם הבאר עשק כי התעשקו עמו׃

ויחפרו באר אחרת ויריבו גם עליה ויקרא שמה שטנה׃

ויעתק משם ויחפר באר אחרת ולא רבו עליה ויקרא שמה רחבות ויאמר כי עתה הרחיב יהוה לנו ופרינו בארץ׃