פסוקים על Frogs

13 פסוקים · 2 היבטים

פסוקי מפתח

  1. שְׁמֹות ח׳:ב׳

    ואם מאן אתה לשלח הנה אנכי נגף את כל גבולך בצפרדעים׃

  2. שְׁמֹות ח׳:ג׳

    ושרץ היאר צפרדעים ועלו ובאו בביתך ובחדר משכבך ועל מטתך ובבית עבדיך ובעמך ובתנוריך ובמשארותיך׃

  3. שְׁמֹות ח׳:ד׳

    ובכה ובעמך ובכל עבדיך יעלו הצפרדעים׃

  4. שְׁמֹות ח׳:ה׳

    ויאמר יהוה אל משה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים׃

  5. שְׁמֹות ח׳:ו׳

    ויט אהרן את ידו על מימי מצרים ותעל הצפרדע ותכס את ארץ מצרים׃

  6. שְׁמֹות ח׳:ז׳

    ויעשו כן החרטמים בלטיהם ויעלו את הצפרדעים על ארץ מצרים׃

  7. שְׁמֹות ח׳:ח׳

    ויקרא פרעה למשה ולאהרן ויאמר העתירו אל יהוה ויסר הצפרדעים ממני ומעמי ואשלחה את העם ויזבחו ליהוה׃

  8. שְׁמֹות ח׳:ט׳

    ויאמר משה לפרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך רק ביאר תשארנה׃

  9. שְׁמֹות ח׳:י׳

    ויאמר למחר ויאמר כדברך למען תדע כי אין כיהוה אלהינו׃

  10. שְׁמֹות ח׳:י״א

    וסרו הצפרדעים ממך ומבתיך ומעבדיך ומעמך רק ביאר תשארנה׃

  11. שְׁמֹות ח׳:י״ב

    ויצא משה ואהרן מעם פרעה ויצעק משה אל יהוה על דבר הצפרדעים אשר שם לפרעה׃

  12. שְׁמֹות ח׳:י״ג

    ויעש יהוה כדבר משה וימתו הצפרדעים מן הבתים מן החצרת ומן השדת׃

  13. שְׁמֹות ח׳:י״ד

    ויצברו אתם חמרם חמרם ותבאש הארץ׃