פסוקים על Dream

15 פסוקים · 4 היבטים

פסוקי מפתח

  1. דְּבָרִים י״ג:א׳

    ¶ כי יקום בקרבך נביא או חלם חלום ונתן אליך אות או מופת׃

  2. דְּבָרִים י״ג:ב׳

    ובא האות והמופת אשר דבר אליך לאמר נלכה אחרי אלהים אחרים אשר לא ידעתם ונעבדם׃

  3. דְּבָרִים י״ג:ג׳

    לא תשמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישכם אהבים את יהוה אלהיכם בכל לבבכם ובכל נפשכם׃

  4. דְּבָרִים י״ג:ד׳

    אחרי יהוה אלהיכם תלכו ואתו תיראו ואת מצותיו תשמרו ובקלו תשמעו ואתו תעבדו ובו תדבקון׃

  5. דְּבָרִים י״ג:ה׳

    והנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים להדיחך מן הדרך אשר צוך יהוה אלהיך ללכת בה ובערת הרע מקרבך׃

  6. יְשַׁעְיָהוּ כ״ט:ז׳

    והיה כחלום חזון לילה המון כל הגוים הצבאים על אריאל וכל צביה ומצדתה והמציקים לה׃

  7. יְשַׁעְיָהוּ כ״ט:ח׳

    והיה כאשר יחלם הרעב והנה אוכל והקיץ וריקה נפשו וכאשר יחלם הצמא והנה שתה והקיץ והנה עיף ונפשו שוקקה כן יהיה המון כל הגוים הצבאים על הר ציון׃

  8. יִרְמְיָהוּ כ״ג:כ״ה

    שמעתי את אשר אמרו הנבאים הנבאים בשמי שקר לאמר חלמתי חלמתי׃

  9. יִרְמְיָהוּ כ״ג:כ״ו

    עד מתי היש בלב הנבאים נבאי השקר ונביאי תרמת לבם׃

  10. יִרְמְיָהוּ כ״ג:כ״ז

    החשבים להשכיח את עמי שמי בחלומתם אשר יספרו איש לרעהו כאשר שכחו אבותם את שמי בבעל׃

  11. יִרְמְיָהוּ כ״ג:כ״ח

    הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוה׃

  12. יִרְמְיָהוּ כ״ג:כ״ט

    הלוא כה דברי כאש נאם יהוה וכפטיש יפצץ סלע׃

  13. יִרְמְיָהוּ כ״ג:ל׳

    לכן הנני על הנבאים נאם יהוה מגנבי דברי איש מאת רעהו׃

  14. יִרְמְיָהוּ כ״ג:ל״א

    הנני על הנביאם נאם יהוה הלקחים לשונם וינאמו נאם׃

  15. יִרְמְיָהוּ כ״ג:ל״ב

    הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה נאם יהוה׃