פסוקים על Contingencies

68 פסוקים · 1 היבט

פסוקי מפתח

סינון לפי ספר
  1. בְּרֵאשִׁית ב׳:ט״ז

    ויצו יהוה אלהים על האדם לאמר מכל עץ הגן אכל תאכל׃

  2. בְּרֵאשִׁית ב׳:י״ז

    ומעץ הדעת טוב ורע לא תאכל ממנו כי ביום אכלך ממנו מות תמות׃

  3. וַיִּקְרָא כ״ו:ג׳

    אם בחקתי תלכו ואת מצותי תשמרו ועשיתם אתם׃

  4. וַיִּקְרָא כ״ו:ד׳

    ונתתי גשמיכם בעתם ונתנה הארץ יבולה ועץ השדה יתן פריו׃

  5. וַיִּקְרָא כ״ו:ה׳

    והשיג לכם דיש את בציר ובציר ישיג את זרע ואכלתם לחמכם לשבע וישבתם לבטח בארצכם׃

  6. וַיִּקְרָא כ״ו:ו׳

    ונתתי שלום בארץ ושכבתם ואין מחריד והשבתי חיה רעה מן הארץ וחרב לא תעבר בארצכם׃

  7. וַיִּקְרָא כ״ו:ז׳

    ורדפתם את איביכם ונפלו לפניכם לחרב׃

  8. וַיִּקְרָא כ״ו:ח׳

    ורדפו מכם חמשה מאה ומאה מכם רבבה ירדפו ונפלו איביכם לפניכם לחרב׃

  9. וַיִּקְרָא כ״ו:ט׳

    ופניתי אליכם והפריתי אתכם והרביתי אתכם והקימתי את בריתי אתכם׃

  10. וַיִּקְרָא כ״ו:י׳

    ואכלתם ישן נושן וישן מפני חדש תוציאו׃

  11. וַיִּקְרָא כ״ו:י״א

    ונתתי משכני בתוככם ולא תגעל נפשי אתכם׃

  12. וַיִּקְרָא כ״ו:י״ב

    והתהלכתי בתוככם והייתי לכם לאלהים ואתם תהיו לי לעם׃

  13. וַיִּקְרָא כ״ו:י״ג

    אני יהוה אלהיכם אשר הוצאתי אתכם מארץ מצרים מהית להם עבדים ואשבר מטת עלכם ואולך אתכם קוממיות׃

  14. וַיִּקְרָא כ״ו:י״ד

    ואם לא תשמעו לי ולא תעשו את כל המצות האלה׃

  15. וַיִּקְרָא כ״ו:ט״ו

    ואם בחקתי תמאסו ואם את משפטי תגעל נפשכם לבלתי עשות את כל מצותי להפרכם את בריתי׃

  16. וַיִּקְרָא כ״ו:ט״ז

    אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם׃

  17. וַיִּקְרָא כ״ו:י״ז

    ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם׃

  18. וַיִּקְרָא כ״ו:י״ח

    ואם עד אלה לא תשמעו לי ויספתי ליסרה אתכם שבע על חטאתיכם׃

  19. וַיִּקְרָא כ״ו:י״ט

    ושברתי את גאון עזכם ונתתי את שמיכם כברזל ואת ארצכם כנחשה׃

  20. וַיִּקְרָא כ״ו:כ׳

    ותם לריק כחכם ולא תתן ארצכם את יבולה ועץ הארץ לא יתן פריו׃

  21. וַיִּקְרָא כ״ו:כ״א

    ואם תלכו עמי קרי ולא תאבו לשמע לי ויספתי עליכם מכה שבע כחטאתיכם׃

  22. וַיִּקְרָא כ״ו:כ״ב

    והשלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכם׃

  23. וַיִּקְרָא כ״ו:כ״ג

    ואם באלה לא תוסרו לי והלכתם עמי קרי׃

  24. וַיִּקְרָא כ״ו:כ״ד

    והלכתי אף אני עמכם בקרי והכיתי אתכם גם אני שבע על חטאתיכם׃

  25. וַיִּקְרָא כ״ו:כ״ה

    והבאתי עליכם חרב נקמת נקם ברית ונאספתם אל עריכם ושלחתי דבר בתוככם ונתתם ביד אויב׃