פסוקים על Calf: Prophecies against the golden calves at Beth-El

9 פסוקים · 7 היבטים

פסוקים על Prophecies against the golden calves at Beth-El

  1. 1 מְלָכִים י״ג:א׳

    ¶ והנה איש אלהים בא מיהודה בדבר יהוה אל בית אל וירבעם עמד על המזבח להקטיר׃

  2. 1 מְלָכִים י״ג:ב׳

    ויקרא על המזבח בדבר יהוה ויאמר מזבח מזבח כה אמר יהוה הנה בן נולד לבית דוד יאשיהו שמו וזבח עליך את כהני הבמות המקטרים עליך ועצמות אדם ישרפו עליך׃

  3. 1 מְלָכִים י״ג:ג׳

    ונתן ביום ההוא מופת לאמר זה המופת אשר דבר יהוה הנה המזבח נקרע ונשפך הדשן אשר עליו׃

  4. 1 מְלָכִים י״ג:ד׳

    ויהי כשמע המלך את דבר איש האלהים אשר קרא על המזבח בבית אל וישלח ירבעם את ידו מעל המזבח לאמר תפשהו ותיבש ידו אשר שלח עליו ולא יכל להשיבה אליו׃

  5. 1 מְלָכִים י״ג:ה׳

    והמזבח נקרע וישפך הדשן מן המזבח כמופת אשר נתן איש האלהים בדבר יהוה׃

  6. הוֹשֵׁעַ ח׳:ה׳

    זנח עגלך שמרון חרה אפי בם עד מתי לא יוכלו נקין׃

  7. הוֹשֵׁעַ ח׳:ו׳

    כי מישראל והוא חרש עשהו ולא אלהים הוא כי שבבים יהיה עגל שמרון׃

  8. הוֹשֵׁעַ י׳:ה׳

    לעגלות בית און יגורו שכן שמרון כי אבל עליו עמו וכמריו עליו יגילו על כבודו כי גלה ממנו׃

  9. הוֹשֵׁעַ י׳:ו׳

    גם אותו לאשור יובל מנחה למלך ירב בשנה אפרים יקח ויבוש ישראל מעצתו׃