פסוקים על Bread: Multitudes miraculously fed by Christ with

ויצו את העם לשבת על הדשא ויקח את חמשת ככרות הלחם ואת שני הדגים וישא עיניו השמימה ויברך ויפרס ויתן את הלחם לתלמידים והתלמידים נתנו לעם׃

ויאכלו כלם וישבעו וישאו מן הפתותים הנותרים שנים עשר סלים מלאים׃

והאכלים היו כחמשת אלפי איש מלבד הנשים והטף׃

ויאמר ישוע אליהם כמה ככרות לחם לכם ויאמרו שבע ומעט דגים קטנים׃

ויצו את המון העם לשבת לארץ׃

ויקח את שבע ככרות הלחם ואת הדגים ויברך ויפרס ויתן אל התלמידים והתלמידים נתנו לעם׃

ויאכלו כלם וישבעו וישאו מן הפתותים הנותרים שבעה דודים מלאים׃