תְהִלִּיםמ״ז

א׳

¶ למנצח לבני קרח מזמור כל העמים תקעו כף הריעו לאלהים בקול רנה׃

ב׳

כי יהוה עליון נורא מלך גדול על כל הארץ׃

ג׳

ידבר עמים תחתינו ולאמים תחת רגלינו׃

ד׳

יבחר לנו את נחלתנו את גאון יעקב אשר אהב סלה׃

ה׳

עלה אלהים בתרועה יהוה בקול שופר׃

ו׳

זמרו אלהים זמרו זמרו למלכנו זמרו׃

ז׳

כי מלך כל הארץ אלהים זמרו משכיל׃

ח׳

מלך אלהים על גוים אלהים ישב על כסא קדשו׃

ט׳

נדיבי עמים נאספו עם אלהי אברהם כי לאלהים מגני ארץ מאד נעלה׃

Use ← → arrow keys to navigate