בְּרֵאשִׁיתמ׳

שרי פרעה נאסרים עם יוסף

א׳
ויהי אחר הדברים האלה חטאו משקה מלך מצרים והאפה לאדניהם למלך מצרים׃
ב׳
ויקצף פרעה על שני סריסיו על שר המשקים ועל שר האופים׃
ג׳
ויתן אתם במשמר בית שר הטבחים אל בית הסהר מקום אשר יוסף אסור שם׃
ד׳
ויפקד שר הטבחים את יוסף אתם וישרת אתם ויהיו ימים במשמר׃

יוסף מייחס את פתרון החלומות לאלוהים

ה׳
ויחלמו חלום שניהם איש חלמו בלילה אחד איש כפתרון חלמו המשקה והאפה אשר למלך מצרים אשר אסורים בבית הסהר׃
ו׳
ויבא אליהם יוסף בבקר וירא אתם והנם זעפים׃
ז׳
וישאל את סריסי פרעה אשר אתו במשמר בית אדניו לאמר מדוע פניכם רעים היום׃
ח׳
ויאמרו אליו חלום חלמנו ופתר אין אתו ויאמר אלהם יוסף הלוא לאלהים פתרנים ספרו נא לי׃

חלום שר המשקים

ט׳
ויספר שר המשקים את חלמו ליוסף ויאמר לו בחלומי והנה גפן לפני׃
י׳
ובגפן שלשה שריגם והיא כפרחת עלתה נצה הבשילו אשכלתיה ענבים׃
י״א
וכוס פרעה בידי ואקח את הענבים ואשחט אתם אל כוס פרעה ואתן את הכוס על כף פרעה׃
י״ב
ויאמר לו יוסף זה פתרנו שלשת השרגים שלשת ימים הם׃
י״ג
בעוד שלשת ימים ישא פרעה את ראשך והשיבך על כנך ונתת כוס פרעה בידו כמשפט הראשון אשר היית משקהו׃
י״ד
כי אם זכרתני אתך כאשר ייטב לך ועשית נא עמדי חסד והזכרתני אל פרעה והוצאתני מן הבית הזה׃
ט״ו
כי גנב גנבתי מארץ העברים וגם פה לא עשיתי מאומה כי שמו אתי בבור׃

חלום שר האופים

ט״ז
וירא שר האפים כי טוב פתר ויאמר אל יוסף אף אני בחלומי והנה שלשה סלי חרי על ראשי׃
י״ז
ובסל העליון מכל מאכל פרעה מעשה אפה והעוף אכל אתם מן הסל מעל ראשי׃
י״ח
ויען יוסף ויאמר זה פתרנו שלשת הסלים שלשת ימים הם׃
י״ט
בעוד שלשת ימים ישא פרעה את ראשך מעליך ותלה אותך על עץ ואכל העוף את בשרך מעליך׃

התגשמות החלום והזנחת יוסף

כ׳
ויהי ביום השלישי יום הלדת את פרעה ויעש משתה לכל עבדיו וישא את ראש שר המשקים ואת ראש שר האפים בתוך עבדיו׃
כ״א
וישב את שר המשקים על משקהו ויתן הכוס על כף פרעה׃
כ״ב
ואת שר האפים תלה כאשר פתר להם יוסף׃
כ״ג
ולא זכר שר המשקים את יוסף וישכחהו׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options