2 דִּבְרֵי הַיָּמִיםי״ט

יְהוֹשָׁפָט נִנְזָף וּמְשֻׁבָּח

א׳
וישב יהושפט מלך יהודה אל ביתו בשלום לירושלם׃
ב׳
ויצא אל פניו יהוא בן חנני החזה ויאמר אל המלך יהושפט הלרשע לעזר ולשנאי יהוה תאהב ובזאת עליך קצף מלפני יהוה׃
ג׳
אבל דברים טובים נמצאו עמך כי בערת האשרות מן הארץ והכינות לבבך לדרש האלהים׃

יְהוֹשָׁפָט מְחַדֵּשׁ אֶת מַאֲמָצֵי הַתִּקּוּן

ד׳
וישב יהושפט בירושלם וישב ויצא בעם מבאר שבע עד הר אפרים וישיבם אל יהוה אלהי אבותיהם׃

רֵפוֹרְמָה מִשְׁפָּטִית בֶּעָרִים

ה׳
ויעמד שפטים בארץ בכל ערי יהודה הבצרות לעיר ועיר׃
ו׳
ויאמר אל השפטים ראו מה אתם עשים כי לא לאדם תשפטו כי ליהוה ועמכם בדבר משפט׃
ז׳
ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃

הֲקָמַת בֵּית הַדִּין הַמֶּרְכָּזִי

ח׳
וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם׃
ט׳
ויצו עליהם לאמר כה תעשון ביראת יהוה באמונה ובלבב שלם׃
י׳
וכל ריב אשר יבוא עליכם מאחיכם הישבים בעריהם בין דם לדם בין תורה למצוה לחקים ולמשפטים והזהרתם אתם ולא יאשמו ליהוה והיה קצף עליכם ועל אחיכם כה תעשון ולא תאשמו׃
י״א
והנה אמריהו כהן הראש עליכם לכל דבר יהוה וזבדיהו בן ישמעאל הנגיד לבית יהודה לכל דבר המלך ושטרים הלוים לפניכם חזקו ועשו ויהי יהוה עם הטוב׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options