Zabura 130
Kuka Daga Zurfin Rami 1–2
1
Waƙar haurawa. Daga cikin zurfafa na yi kuka gare ka, ya Ubangiji;
2
Ya Ubangiji, ka ji muryata. Bari kunnuwanka su saurara ga kukata ta neman jinƙai.
Gafara Ce Tushen Bege 3–4
3
In kai, ya Ubangiji, za ka lissafta zunubai, Ya Ubangiji, wa zai tsaya?
4
Amma tare da kai akwai gafartawa, saboda haka ake tsoronka.
Jiran Kalmar Allah da Haƙuri 5–6
5
Zan jira Ubangiji, raina zai jira, kuma a cikin maganarsa na sa zuciyata.
6
Raina na jiran Ubangiji fiye da yadda mai tsaro yakan jira safiya, fiye da yadda mai tsaro yakan jira safiya.
Bege da Fansa ga Isra’ila 7–8
7
Ya Isra’ila, sa zuciya ga Ubangiji, gama tare da Ubangiji akwai ƙauna marar ƙarewa kuma tare da shi akwai cikakkiyar fansa.
8
Shi kansa zai fanshi Isra’ila daga dukan zunubansu.
Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.
Study note