ગીતશાસ્ત્ર૧૧૦

યહોવા મસીહી રાજાને ઉન્નત કરે છે

૧

યહોવાહે મારા પ્રભુને કહ્યું, “જ્યાં સુધી હું તારા દુશ્મનોને તારું પાયાસન કરું ત્યાં સુધી તું મારે જમણે હાથે બેસ.”

૨

યહોવાહે કહ્યું, “સિયોનમાંથી તમારા સામર્થ્યનો રાજદંડ પકડો; તારા શત્રુઓ પર રાજ કર.

૩

તારા લોકો તારા યુદ્ધને દિવસે તારી સાથે જોડાવા ઇચ્છશે પવિત્રતાની સુંદરતા પહેરીને અને મળસકાના ગર્ભસ્થાનમાંથી નીકળીને તમે આવો; તારી યુવાવસ્થાનું જોર તને દોરે છે.

મલ્ખીસેદેકનું સનાતન યાજકપદ

૪

યહોવાહે સમ ખાધા છે અને તે બદલશે નહિ: તમે મલ્ખીસદેકના ધોરણે, સદાને માટે યાજક છો.”

રાજા ઈશ્વરનો ન્યાય બજાવે છે

૫

પ્રભુ તમારે જમણે હાથે છે. તે પોતાના કોપને દિવસે રાજાઓને મારી નાખશે.

૬

તે દેશોનો ન્યાય કરશે; તે ખીણોને મૃતદેહોથી ભરશે; તે ઘણા દેશોમાંથી આગેવાનોને મારી નાખશે.

૭

તે માર્ગમાંના ઝરાઓમાંથી પાણી પીશે અને વિજય પછી તે પોતાનું માથું ઊંચું કરશે.

ગીતશાસ્ત્ર૧૧૦

યહોવા મસીહી રાજાને ઉન્નત કરે છે

મલ્ખીસેદેકનું સનાતન યાજકપદ

રાજા ઈશ્વરનો ન્યાય બજાવે છે

Reading style

Typeface

Font size 19px

Reading width 75 chars

Options