Pagtupad sa mga Panata at Pampublikong Pagsamba

Mga Awit 116:12-19

Ano ang aking ibabayad sa Panginoon dahil sa lahat niyang kabutihan sa akin?

Aking kukunin ang saro ng kaligtasan, at tatawag ako sa pangalan ng Panginoon.

Aking babayaran ang mga panata ko sa Panginoon, Oo, sa harapan ng buo niyang bayan.

Mahalaga sa paningin ng Panginoon ang kamatayan ng kaniyang mga banal.

Oh Panginoon, tunay na ako'y iyong lingkod; ako'y iyong lingkod, na anak ng iyong lingkod na babae; iyong kinalag ang aking mga tali.

Aking ihahandog sa iyo ang hain na pasalamat, at tatawag ako sa pangalan ng Panginoon.

Aking babayaran ang mga panata ko sa Panginoon, Oo, sa harapan ng buo niyang bayan;

Sa mga looban ng bahay ng Panginoon, sa gitna mo, Oh Jerusalem. Purihin ninyo ang Panginoon.