TRV
Psalmet 88:1-9
1
O Zot, Perëndi i shpëtimit tim, unë bërtas ditë e natë para teje.
2
Arriftë deri te ti lutja ime, vëri veshin britmës time,
3
sepse shpirti im është ngopur me të keqen, dhe jeta ime ka arritur deri në Sheol.
4
Tanimë përfshihem ndër ata që do të zbresin në gropë, jam si një njeri që nuk ka më forcë.
5
Jam braktisur midis të vdekurve ashtu si të vrarët që janë në varr, të cilët ti nuk i mban mend dhe që janë prerë e janë larguar nga dora jote.
6
Ti më ke shtënë në gropën më të thellë, në vënde të errëta, në humnerat.
7
Mbi mua ka shpërthyer zemërimi yt, dhe ti më ke marrë me vete megjithë valët tua. (Sela)
8
Ti më ke lënë pa miqtë e mi; më ke bërë për ta një objekt të neveritshëm; jam mbyllur dhe nuk mund të dal.
9
Syri im venitet nga dhembja; të kërkoj çdo ditë, o Zot, dhe i zgjat drejt teje duart e mia.
Settings