Psalmisti kujton vdekshmërinë dhe përjetësinë e Perëndisë

Psalmet 102:23-28

Rrugës ai ka pakësuar fuqinë time dhe ka shkurtuar ditët e mia.

Kam thënë: "O Perëndia im, mos më merr në mes të ditëve të mia. Vitet e tua zgjasin brez pas brezi.

Së lashti ti ke vendosur tokën dhe qiejtë janë vepër e duarve të tua;

ata do të zhduken, por ti do të mbetesh; do të konsumohen të gjithë si një rrobe; ti do t'i ndërrosh si një rrobe dhe ata do të ndryshohen.

Por ti je gjithnjë po ai dhe vitet e tua nuk do të kenë kurrë fund.

Bijtë e shërbëtorëve të tu do të kenë një vendbanim dhe pasardhësit e tyre do të jenë të qëndrueshëm para teje".