स्तोत्रसंहिता ३३:१३-१८

स्तोत्रसंहिता ३३:१३-१८

१३
याहवेह स्वर्गातून खाली पाहतात आणि संपूर्ण मानवजातीला न्याहाळतात;
१४
ते आपल्या निवासस्थानामधून पृथ्वीवरील सर्व लोकांना पारखतात.
१५
त्यांनीच सर्वांची हृदये घडविली, तेच प्रत्येकाचे कार्य पारखतात.
१६
कोणताही राजा सैन्याच्या संख्येने विजय प्राप्त करतो असे नाही; कोणताही योद्धा आपल्या महान शक्तीने स्वतःचा बचाव करू शकतो असेही नाही.
१७
युद्धात विजय प्राप्तीसाठी घोड्यावर भिस्त ठेवणे निरर्थक आहे; घोडा बळकट असेल पण तो कोणाचा बचाव करू शकत नाही.
१८
परंतु जे त्यांचे भय धरतात, ज्यांची आशा त्यांच्या अक्षय प्रीतीवर आहे, त्यांच्यावर याहवेहची दृष्टी असते. ते त्यांना मृत्यूपासून सोडवून, दुष्काळात त्यांच्या प्राणाचे रक्षण करतात.
संपूर्ण अध्याय वाचा ३३

उताऱ्याचा अभ्यास

एका वचनावर नसून संपूर्ण उताऱ्यावर आधारित भाष्य.

शास्त्रात हे आणखी कोठे सांगितले आहे.

  • 1 पेत्र ३:१२

    कारण प्रभूचे नेत्र नीतिमानांवर आहेत, आणि त्यांचे कान नीतिमानांच्या प्रार्थनेकडे लागलेले असतात. परंतु प्रभूचे मुख जे वाईट करतात त्यांच्याविरुद्ध आहे.”
    वचन १८ मधून

  • इय्योब ३६:७

    न्यायी मनुष्यावरून त्यांची नजर सरकत नाही; राजांबरोबर त्यांना ते राजासनावर बसवितात आणि सर्वकाळासाठी त्यांना थोर बनवितात.
    वचन १८ मधून

  • स्तोत्रसंहिता १४७:११

    याहवेह त्यांचे भय बाळगणार्‍यांवर संतुष्ट असतात, तसेच जे त्यांच्या प्रेमदयेची आशा धरतात.
    वचन १८ मधून

  • स्तोत्रसंहिता ३४:१५

    याहवेहचे नेत्र नीतिमानांवर आहेत, आणि त्यांचे कान नीतिमानांच्या आरोळीकडे लागलेले असतात.
    वचन १८ मधून

  • स्तोत्रसंहिता ३४:२०

    ते त्याच्या प्रत्येक हाडांचे रक्षण करतात, त्यातील एकही मोडणार नाही.
    वचन १८ मधून

  • इय्योब २८:२४

    कारण परमेश्वर पृथ्वीच्या शेवटापर्यंत पाहू शकतात. आणि आकाशाखालचे सर्वकाही त्यांना दिसते.
    वचन १३ मधून

  • नीतिसूत्रे २१:३१

    लढाईसाठी घोड्याला तयार केले आहे, परंतु विजय देणे याहवेहच्याच हाती असते.
    वचन १७ मधून

  • इब्री ६:१८

    परमेश्वराने हे यासाठी केले की ज्या दोन न बदलणार्‍या गोष्टी ज्याविषयी खोटे बोलणे परमेश्वराला अशक्य आहे व आम्ही स्वतःपुढे ठेवण्यात आलेली आशा प्राप्त करण्याकरिता धावलो, त्या आम्हास मोठे उत्तेजन मिळावे.
    वचन १८ मधून

  • स्तोत्रसंहिता ११:४

    परंतु याहवेह आपल्या पवित्र मंदिरात आहेत; याहवेह आपल्या स्वर्गीय सिंहासनावर विराजमान आहेत. त्यांची दृष्टी सर्व मनुष्यास पाहते; पृथ्वीवर प्रत्येकास ते पारखतात.
    वचन १३ मधून

  • यिर्मयाह ३२:१९

    तुमच्या योजना महान आहेत व तुमची कार्ये अद्वितीय आहेत. सर्व मानवजातीचे मार्ग तुमच्या नेत्रांना उघड दिसतात; प्रत्येकाला तुम्ही त्याच्या वागणुकीनुसार व कृत्यानुसार योग्य मोबदला देता.
    वचन १५ मधून

  • स्तोत्रसंहिता २०:७

    कोणी रथांवर आणि कोणी घोड्यांवर भरवसा ठेवतात, परंतु आम्ही याहवेह आमच्या परमेश्वराच्या नावावर भरवसा ठेऊ.
    वचन १७ मधून

  • स्तोत्रसंहिता १३:५

    कारण तुमच्या निरंतर प्रीतीवर मी भरवसा ठेवला आहे; माझे हृदय तुमच्या तारणात हर्ष करीत आहे.
    वचन १८ मधून
Settings

Reading Style

Typeface

Font Size 19px

Options