स्तोत्रसंहिता १४७:१-६

१

याहवेहचे स्तवन करा. परमेश्वराची स्तुतिस्तोत्रे गाणे किती मनोरम, किती यथार्थ आहे!

२

यरुशलेम याहवेहची निर्मिती आहे; इस्राएलाच्या निर्वासितांचे तिथे पुनर्वसन करत आहेत.

३

भग्नहृदयी लोकांना ते बरे करतात, आणि त्यांच्या जखमांवर पट्टी बांधतात.

४

ते तार्‍यांची गणती करतात आणि त्यांनी प्रत्येकास नाव दिलेले आहे.

५

ते अत्यंत महान आहेत आणि त्यांचे सामर्थ्य अमर्याद आहे; त्यांची बुद्धी अपरिमित आहे.

६

याहवेह नम्रजनांस आधार देतात, परंतु दुर्जनास बहिष्कृत करतात.