स्तोत्रसंहिता १०९:९-१५

९

त्याची मुले पितृहीन होवोत, आणि त्याची पत्नी विधवा होवो;

१०

त्याची मुले भीक मागत भटकोत, त्यांच्या उद्ध्वस्त झालेल्या घरातून ते बाहेर हाकलण्यात येवो.

११

त्याची सर्व मालमत्ता सावकार हिरावून घेवो; आणि त्याने कष्टाने मिळविलेले सर्वकाही परके लुटोत.

१२

त्याच्यावर दया करणारा कोणीही नसो; त्याच्या पितृहीन मुलांची कीव करणारा कोणीही नसो,

१३

त्याची सर्व पितृहीन मुले मरोत; एकाच पिढीमध्ये त्याच्या वंशाचे नाव पुसून टाकले जावो.

१४

त्याच्या आईवडिलांच्या अपराधांबद्दल याहवेह त्याला शासन करो; त्याच्या मातेची पातके कधीही पुसली न जावो.

१५

त्याने केलेल्या दुष्ट कृत्यांची याहवेह सतत आठवण ठेवो, व पृथ्वीवरून त्याचे नाव ते कायमचे पुसून टाकोत.