ज्ञानस्वरूप स्त्रीची मेजवानीची तयारी

नीतिसूत्रे ९:१-६

१

सुज्ञानाने आपले घर बांधले आहे; तिने तिचे सात खांब तयार केले आहेत.

२

तिने तिच्याकडील मांसाहारी भोजन आणि तिचा द्राक्षारस तयार केला आहे; तिने तिचा मेजसुद्धा सजविलेला आहे.

३

तिने तिच्या दासांना बाहेर पाठवले आहे आणि ती नगराच्या सर्वात उच्च स्थानावरून हाक मारते,

४

“जे साधे भोळे आहेत, त्या सर्वांनी माझ्या घरी यावे!” जे विवेकशून्य आहेत त्यांना ती म्हणते,

५

“इकडे या, माझे भोजन खा आणि मी मिसळलेला द्राक्षारस प्या.

६

तुमचे साधेभोळेपण सोडून द्या म्हणजे तुम्ही जगाल; अंतर्ज्ञानाच्या मार्गाने चला.”