विलापगीत ३:२१-३३
२१
तरीपण आशेचा हा एक किरण उरला आहे:
२२
याहवेहच्या महान प्रीतीमुळे आम्ही पूर्णपणे भस्म झालेलो नाही कारण त्यांच्या कृपेचा कधीही ऱ्हास होत नाही.
२३
त्यांची प्रेमदया प्रतिदिवशी नवी होते; तुमची विश्वसनीयता महान आहे.
२४
मी स्वतःस म्हणतो, “याहवेह माझा वाटा आहेत; म्हणूनच मी त्यांची प्रतीक्षा करेन.”
२५
जे याहवेहवर त्यांची आशा ठेवतात, आणि जे त्यांचा शोध घेतात, त्या सर्वांसाठी ते भले आहेत.
२६
याहवेहच्या तारणाची शांतपणे वाट पाहणे हितकारक आहे.
२७
मनुष्याने त्याच्या तारुण्यात जू वाहणे त्याच्या हितासाठी आहे.
२८
कारण ते याहवेहनेच त्याच्यावर लादले आहे म्हणून त्याने एकांतात शांत बसावे.
२९
त्याला त्याचे मुख धुळीत पुरू दे— तरी आशा कायम असेल.
३०
जे त्याला चपराक मारतात, त्यांच्यापुढे त्याने दुसरा गालही करावा, आणि तो सर्व अपमानाने भरून जाऊ दे.
३१
कारण प्रभू कोणाचाही कायमचा त्याग करत नाहीत.
३२
जरी त्यांनी त्याला दुःख दिले, तरी ते करुणा करतात, त्यांची महान प्रेमदया अथांग आहे.
३३
ते स्वखुशीने माणसांना पीडा देत नाहीत व त्यांना दुखवित नाहीत.
बायबल पाठ: Biblica® Open Marathi Contemporary Version™, © 1978, 1982, 2008, 2022, 2024 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.