אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ט״ו:ז׳-י״ג

ז׳

על כן תקבלו איש את אחיו כאשר גם המשיח קבל אתנו לכבוד האלהים׃

ח׳

ואני אמר כי ישוע המשיח היה למשרת בני המילה למען אמת האלהים לקים את ההבטחות אשר לאבות׃

ט׳

והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃

י׳

ואומר הרנינו גוים עמו׃

י״א

ואומר הללו את יהוה כל גוים שבחוהו כל האמים׃

י״ב

וישעיהו אמר והיה שרש ישי אשר עמד לנס עמים אליו גוים יקוו׃

י״ג

ואלהי התקוה הוא ימלא אתכם כל שמחה ושלום באמונה למען תעדף תקותכם בגבורת רוח הקדש׃