הקציר וגת חרון האלוהים

חזוֹן יוֹחָנָן י״ד:י״ד-כ׳

י״ד

וארא והנה ענן בהיר ועל הענן ישב כדמות בן אדם ועל ראשו עטרת זהב ובידו מגל מלטש׃

ט״ו

ומלאך אחר יצא מן ההיכל ויזעק בקול גדול אל הישב על הענן לאמר שלח מגלך וקצר כי באה העת לקצר כי יבש קציר הארץ׃

ט״ז

וישלח הישב בענן את מגלו בארץ והארץ נקצרה׃

י״ז

ומלאך אחר יצא מן ההיכל אשר בשמים וגם לו מגל מלטש בידו׃

י״ח

ויצא מלאך אחר מן המזבח וממשלתו על האש ויקרא קול גדול אל אשר בידו המגל המלטש לאמר שלח מגלך המלטש ובצר את גפן הארץ כי בשלו ענביהם׃

י״ט

וינף המלאך את מגלו על הארץ ויבצר את אשכלת גפן הארץ וישליכם בגת חמת אלהים הגדולה׃

כ׳

ותדרך הגת מחוץ לעיר ויצא דם מן הגת עד רסני הסוסים דרך אלף ושש מאות ריס׃