תְהִלִּים ס״ח:א׳-ט׳

א׳

¶ למנצח לדוד מזמור שיר יקום אלהים יפוצו אויביו וינוסו משנאיו מפניו׃

ב׳

כהנדף עשן תנדף כהמס דונג מפני אש יאבדו רשעים מפני אלהים׃

ג׳

וצדיקים ישמחו יעלצו לפני אלהים וישישו בשמחה׃

ד׳

שירו לאלהים זמרו שמו סלו לרכב בערבות ביה שמו ועלזו לפניו׃

ה׳

אבי יתומים ודין אלמנות אלהים במעון קדשו׃

ו׳

אלהים מושיב יחידים ביתה מוציא אסירים בכושרות אך סוררים שכנו צחיחה׃

ז׳

אלהים בצאתך לפני עמך בצעדך בישימון סלה׃

ח׳

ארץ רעשה אף שמים נטפו מפני אלהים זה סיני מפני אלהים אלהי ישראל׃

ט׳

גשם נדבות תניף אלהים נחלתך ונלאה אתה כוננתה׃