מִשְׁלֵי ו׳:י״ב-י״ט

י״ב

אדם בליעל איש און הולך עקשות פה׃

י״ג

קרץ בעינו מלל ברגלו מרה באצבעתיו׃

י״ד

תהפכות בלבו חרש רע בכל עת מדנים ישלח׃

ט״ו

על כן פתאם יבוא אידו פתע ישבר ואין מרפא׃

ט״ז

שש הנה שנא יהוה ושבע תועבות נפשו׃

י״ז

עינים רמות לשון שקר וידים שפכות דם נקי׃

י״ח

לב חרש מחשבות און רגלים ממהרות לרוץ לרעה׃

י״ט

יפיח כזבים עד שקר ומשלח מדנים בין אחים׃

קרא פרק מלא ו׳

Reading Style

Typeface

Font Size 19px

Reading Width 45 chars

Options